नेपालगन्ज, २५ फागुन – बाँकेको नेपाल रेडक्रस सोसाइटी पुरैनी उपशाखाको आयोजनामा फाल्गुन २३ गते शुक्रवार ४ महिला सहित २४ जनाले रक्तदान गरेका छन् ।
नेपालगन्ज उपमहानगरपालिका वार्ड नं.–१९ र २२ वडा कार्यालयको सहयोगमा आयोजित रक्तदान कार्यक्रममा नेपाल रेडक्रस सोसाइटी पुरैनी उपशाखाका सभापति शिवकुमार वर्माद्वारा सञ्चालित, नेरेसो पुरैनी उपशाखाका निर्वतमान सभापति फन बहादुर गुरुङ्गको अध्यक्षतामा, गैर सरकारी संस्था नेपाल बाँकेका अध्यक्ष तथा कार्यक्रमका प्रमुख आतिथि नमस्कार शाह पानसमा दीप प्रज्वलितका साथै रगत संकलन गर्ने पाकेट प्रादेशिक रक्त सञ्चार केन्द्रका प्रमुख उपेन्द्र रेग्मीलाई हस्तान्तरण गर्नुका साथै ब्यानर वाचन गरी रक्तदान कार्यक्रमको उद्घाटन गर्नु भएको थियो ।
नेपालगन्ज उपमहानगरपालिका वार्ड नं.–२२ स्थित नेपाल रेडक्रस सोसाइटी पुरैनी उपशाखाको प्राङ्गणमा आयोजित रक्तदान कार्यक्रममा युवा घरका अध्यक्ष मन बहादुर भण्डारीले स्वागत मन्तब्य ब्यक्त गरेका थिए । कार्यक्रममा वडा नं.–१९ का काबा, वडाध्यक्ष राम सुहावन वर्मा, गौरव स्मृति तथा वि.योर.सेल्फ फाउन्डेसनका संरक्षक प्रदिप शाह, दिदी बहिनी समाज बाँकेकी अध्यक्ष रमादेबी शाह, बास नेपालका जन सम्पर्क अधिकृत माधव कार्की, नेपाली काँग्रेस नगर का.बा. सभापति धनराज वर्मा, नाइस नेपालका अध्यक्ष हेमराज भट्ट, सन्त निंरकारी मण्डल बाँकेका प्रमुख (मुखी) शिव प्रसाद गोडिया लगायतले शुभकामना ब्यक्त गरेका थिए ।
आयोजित रक्तदान कार्यक्रममा पुरैनी उपशाखाका आजीवन सदस्य, नेपाल स्वयंसेवी रक्तदाता समाज बाँकेका सल्लाहकार तथा शतक रक्तदाता नेपालगन्ज–१९ निवासी सञ्चारकर्मी पवन जायसवालले १ सय ३ पटक रक्तदान गरेका छन् ।
यसरी रक्तदान कार्यक्रममा ओम प्रकाश चौहान, बिशाल गोडिया, मनोज सिंह चौहान, रमिता शाह, हेमराज भट्ट, जोशिना थारु, जानकी बिक, प्रदिप बोहरा, सचिन साहनी, बिश्वास भण्डारी, दिनेश चौधरी, पुष्पा देवकोटा, मन बहादुर भण्डारी, तपेन्द्रबहादुर मलाती, बिजय रावत, शुद्धप्रसाद थारु, अर्जुन गुरुङ्ग, चिरञ्जिवी शाही, रविस वर्मा, राजेशकुमार वर्मा, खुमराज बुढा, योगेश मल्ल, राजितराम अहिर लगायतले रक्तदान गरेका छन् ।
कार्यक्रममा प्रमुख अतिथि नमस्कार शाह, अतिथि वडा नं.–१९ का काबा, वडाध्यक्ष रामसुहावन वर्मा, पुरैनी उपशाखाका निर्वतमान सभापति फन बहादुर गुरुङ्ग, गौरव स्मृति तथा वि.योर.सेल्फ फाउन्डेसनका संरक्षक प्रदिप शाह, नेपाली काँग्रेस नगर का.बा. सभापति धनराज वर्मा लगायतले स्वयंसेवी रक्तदाताहरुलाई सर्ट र प्रमाणपत्र बितरण गरेका थिए ।
कार्यक्रममा प्रमुख अतिथि र अतिथिहरुलाई पुरैनी उपशाखाकी उप सचिव मीरा अधिकारी र कार्य समितिका महिला सदस्य सुमित्रा मल्लले अबीर र खादा लगाएर स्वागत गर्नु भएको थियो ।
उक्त कार्यक्रममा बास नेपाल, नेपाल स्वयंसेवी रक्तदाता समाज बाँके, गौरव स्मृति तथा वि.योर.सेल्फ फाउन्डेसन बाँके, दिदी बहिनी समाज बाँके, नाईस नेपाल, साना किसान कृषि सहकारी संस्था लि.पुरैनी, असल शासन मिडिया, कोपिला महिला कृषि सहकारी संस्था लि.पुरैनी, युवा घर लगायत संघ संस्थाहरुको सहकार्यमा रक्तदान कार्यक्रम सम्पन्न भएको थियो भने कार्यक्रममा पुरैनी उपशाखाका पदाधिकारीहरुको सहभागिता रहेको थियोे । प्रादेशिक रक्त सञ्चार केन्द्रका प्रमुख उपेन्द्र रेग्मी, सोम प्रकाश सापकोटा, प्रशान्त तिवारी, सञ्जय बढही, सोनिया माँझी र पबित्रा जैसीले प्राविधिकमा सहयोग गरेका थिए ।