नेपालगन्ज, ११ फागुन – महिला उद्यमीहरुको उत्पादनलाई प्रवद्र्धन र बजारीकरणको लागि नयाँ सम्भावनाको उजागर गदैं नवौं लुम्बिनी प्रदेशस्तरीय प्रदर्शनी–२०८१ सम्पन्न भएको छ । महिला उद्यमी संघ नेपाल बाँके (विन बाँके) को आयोजनमा फागुन ६ देखि १० गते सम्म नेपालगन्जमा प्रदर्शनी भएको थियो । महिलाहरुले उत्पादन गरेका वस्तु तथा उत्पादनको बजारीकरणको लागि विन बाँकेले हरेक वर्ष प्रदर्शनीको आयोजना गर्ने गरेको छ । नेपालगन्ज बागेश्वरी मन्दिर परिसरको योगा हलमा भएको प्रदर्शनीमा लुम्बिनी, कर्णाली प्रदेशका महिलाहरुले आफनो वस्तुको बिक्री वितरण गर्नु भएको थियो । प्रदर्शनीमा करिब ६० महिला उद्यमीहरुले स्टल राख्नु भएको थियो ।
प्रदर्शनीको समापन कार्यक्रमलाई सम्बोधन गदैं लुम्बिनी प्रदेश सभा सदस्य अम्बिका काफ्लेले सरकारले गर्ने काम विन बाँकेले गरिरहेको बताउनु भयो । उहाँले भन्नु भयो, ‘म निकै खुसी छु । यस्तो राम्रो कार्यक्रम महिला दिदीबहिनीहरुले गरिरहनु भएको छ । महिला उद्यमीका समस्या र सम्भावनाको बारेमा प्रदेश सरकारलाई म जानकारी गराउनेछु । यस्ता कार्यक्रममा प्रदेश सरकारले नीतिगत रुपममै सहकार्य गरेर अगाडी बढने विश्वास लिएको छु ।’
लुम्बिनी प्रदेश सरकारले पनि स्थानीय उत्पादनलाई ब्रान्डिङ गर्ने गरेको बताउँदै सभासद काफ्लेले आगामी दिनमा सहकार्य गरेर काम गर्ने बताउनु भयो ।
नेपालगन्ज उपमहानगरपालिकाको सहकार्य र केएल दुगड ग्रुपको मुख्य प्रायोजनमा भएको प्रदर्शनीका अवसरमा महिला उद्यमीका समस्या, चुनौति र सम्भावनाको बारेमा संवाद कार्यक्रम, सफल महिला उद्यमीको सफलताका कुरा आदान–प्रदान, युवाहरुलाई उद्यम गर्नको लागि उत्प्रेरणा कार्यक्रम, सफल महिला उद्यमी शारदा शर्मा तथा फुटबल खेलाडी सृष्टि थारुलाई सम्मान समेत गरिएको थियो । समापनको अवसरमा सफल उद्यमीको रुपमा बुटिक व्यवसायी सान्तोना राणालाई सम्मान गरिएको थियो ।
आयोजक विन बाँके अध्यक्ष साबित्रा पोखरेल बस्नेतले महिला उद्यमीहरुलाई आर्थिक रुपमा सक्षम बनाउनेको लागि प्रदर्शनीको आयोजना गर्ने गरेको बताउनु भयो । उहाँले भन्नु भयो, ‘प्रदर्शनीले हरेक वर्ष नयाँ उचाई हासिल गरिरहेको छ । यसमा विन बाँके परिवारको मिहिनेत र आम्रा शुभचिन्तकको साथ र सहयोग महत्वपुर्ण भुमिका छ । महिलालाई आर्थिक रुपमा सबल बनाउँदै समाजलाई आर्थिक रुपमा बलियो बनाउने लक्ष्यलाई यो प्रदर्शनीले सहयोग गर्ने गरेको छ ।’
प्रदर्शनी संयोजक एवम् विन बाँकेको प्रथम उपाध्यक्ष रेवती सिंहले महिलाहरुमा नयाँ उत्साह जगाउने काम प्रदर्शनी गरिरहेको बताउनु भयो । उहाँले भन्नु भयो, ‘हामी निकै खुसी छौं । प्रदर्शनीमा धेरै दिदी बहिनीले आफनो उत्पादन बिक्री गर्ने, प्रचार प्रसार गर्नु भएको छ । आगामी दिनमा प्रदर्शनीलाई थप प्रभावकारी बनाउने योजना सहित हामी काम गछौं ।’
महिला उद्यमीहरुले उत्पादन गरेको वस्तुलाई अन्तराष्टिूय स्तरमा बिक्री गर्नको लागि प्रदर्शनीले माध्यमको काम गरिरहेको विन लुम्बिनी प्रदेश संयोजक सरस्वती शर्माले बताउनु भयो ।
महिलाहरुलाई आफनो सिप, क्षमता र स्थानीय वस्तुको प्रयोग गर्दै उद्यमशील बनाउने लक्ष्य सहित प्रदर्शनीको सुरुआत गरिएको उहाँले बताउनु भयो । हरेक वर्ष प्रदर्शनीले महिलाहरुले उत्पादन गरेको वस्तु तथा उत्पादनहरुको प्रवद्र्धन र बजारीकरणको लागि अवसर सृजना गर्ने गरेको छ । प्रदर्शनी अवलोकन गर्न आउने महिलाहरुलाई पनि उद्यमी बन्न प्रदर्शनीले अभिप्रेरित गर्ने गरेको छ ।
प्रदर्शनीको नवौं संस्करणमा बाँके, बर्दिया, सुर्खेत, दाङ, प्युठान, रोल्पा, पुर्वी रुकुम, सल्यान लगायतका जिल्लाहरुबाट आउनु भएका महिला उद्यमीहरुले स्टल राखेर आफना उत्पादन बिक्री गर्नु भएको थियो ।