नेपालगन्ज, ४ असोज – आईतबार थप १ हजार ३ सय २५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशका विभिन्न ठाउँमा सो संख्याका संक्रमित थपिएका हुन् । यीसहित हालसम्म संक्रमित हुनेको संख्या ६४ हजार १ सय २२ पुगेको छ ।
त्यस्तै पछिल्लो २४ घण्टामा ९ सय ६६ जना कोरोनाबाट निको भएका छन् । यीसहित हालसम्म कोरोनाबाट निको हुनेको संख्या ४६ हजार २ सय ३३ पुगेको छ ।
कुल संक्रमितमध्ये निको हुनेको दर ७२ प्रतिशत हो । हाल देशभर सक्रिय संक्रमितको संख्या १७ हजार ४७८ छ ।
आज थप मृतक १० जनामा कोरोना पुष्टि भएको छ । यीसहित हालसम्म मृतक ४ सय ११ जनामा कोरोना पुष्टि भएको छ ।
पछिल्लो २४ घण्टामा ९ हजार ५ सय ८४ जनाको पिसिआर परीक्षण भएको छ । हालसम्म ९ लाख १४ हजारको पिसिआर परीक्षण भएको छ ।