सकिल अहमद राई
नेपालगन्ज, ५ चैत्र – बास बाँके शाखा र बास स्वयंसेवकको सयुक्त आयोजनामा आज शनिबारका दिन धार्मिक पर्यटीय स्थल बगेश्वरी मन्दिर परिसर भित्र सरसफाइ कार्यक्रम सम्पन्न भएको छ ।
सफा र स्वच्छ शहर, हामी सबैको रहर भन्ने मुल नारालाई आत्मसाथ गर्दै साप्ताहिक रूपमा सरसफाइ अभियान सञ्चालन गरेको हो भनेर बास बाँके शाखाको अध्यक्ष शोभा थापा मगरले जानकारी गराउनु भएको हो ।
सो सरसफाइ कार्यक्रममा बासका कर्मचारी, बासका स्वयंसेवक, बाँके शाखाको पदाधिकारी, सामुदायिक प्रहरी सेवा केन्द्रका प्रहरी लगायत १७ जनाको सहभागितामा कार्यक्रम सम्पन्न भएको हो । अब प्रत्येक हप्ताको शनिबारको दिन नेपालगन्जमा रहेका सार्वजनिक स्थलहरूको सरसफाइ गर्ने योजना रहेको छ अध्यक्ष थापाले जानकारी गराउनु भएकाे छ ।