नेपालगन्ज, ३ चैत्र – सगरमाथा साहित्य प्रतिष्ठानको नेपाल शाखाको अध्यक्षमा नेपालगन्जका साहित्यकार बुद्धिबल श्रेष्ठ चयन हुनुभएको छ ।
प्रतिष्ठानको केन्द्रीय कार्यसमितिको भर्चुअल बैठकले श्रेष्ठलाई प्रतिष्ठानको नेपाल शाखाको नयाँ अध्यक्षका रुपमा सर्वसम्मत चयन गरेको हो ।
तात्कालीन अध्यक्षले राजिनामा दिनु भएपछि नेपाल शाखाको अध्यक्ष पद खाली रहेकामा करिब एक वर्षदेखि सो पदमा कसैलाई चयन गरिएको थिएन भने अध्यक्षको राजिनामासँगै शाखा पनि क्रियाशील बन्न सकिरहेको थिएन ।
अब नेपाल भरी यो शाखाले विविध साहित्यिक कार्यक्रम गर्ने र नेपाल भरीका साहित्यकार हरुलाई यो प्रतिस्ठानमा गोल्बन्द गराउने र शाखालाई पुर्ण चलायमान गरि देश भरीमै सगरमाथा साहित्य प्रतिस्ठानलाई छुट्टै पहिचान बनाउने आफ्नो उदेश्य भएको श्रेष्ठले बताए ।