काठमाण्डौ, ९ पौष –चिनियाँ राजदूत होउ यान्छीले एमालेको अध्यक्ष पदमा फेरि निर्वाचित भएकामा पूर्वप्रधानमन्त्री केपी शर्मा ओलीलाई उनकै निवास बालकोट पुगेर बधाई दिएकी छन् । ओली पुन: पार्टी अध्यक्ष भएपछि बालकोट पुगेर बधाई दिने यान्छी पहिलो विदेशी राजदूत हुन् ।
एमाले विदेश विभागका प्रमुख राजन भट्टराईका अनुसार ओलीसँग यान्छीले सोमबार भेटवार्ता गरेकी हुन् ।
ओली प्रधानमन्त्रीबाट हटेयता पहिलो पटक होउसँग भेटवार्ता भएको हो । भेटवार्ताका सम्बन्धमा नेपालस्थित चिनियाँ दूतावासले भने कुनै सूचना सार्वजनिक गरेको छैन।