“विद्रोही”
मिति २०७८ बैशाख १६ गते
नेपालगन्जमा नयाँ मेरियन्टको नोभल कोरोना भाईरस कोभिड–१९ को प्रकोप यति बढेको छ कि यहाँ रोजिन्ना दर्जनौ व्यक्तिको मृत्यु भईरहेको छ । कोरोनाको संक्रमण बढ्दै गएपछि यस माथि नियन्त्रण पाउन पहिले १ हप्ताको लागि वीएचसीले नगरमा लकडाउन लगाऔं । अहिले जिल्ला प्रशासन कार्यालय बाँकेले पुरै जिल्लामा निषेधाज्ञा बैशाख १३ गतेदेखि २० गते राती १२ बजेसम्मको लागि लगाएको छ । तर यस विषेधाज्ञाको पालना कहि कतैबाट भएको देखिन्दैन । यसरी लगाईएको निषेधाज्ञा एक नाटक मात्र सावित भईरहेको छ । अहिले भारतको महाराष्ट्र, दिल्ली, लखनऊ लगायतबाट व्यक्ति धमाधम नेपालगन्ज नगरमा प्रवेश गरी रहेका छन् । उनीहरु मध्ये कति जना कोरोनाबाट संक्रमित छन् यस बारे स्वास्थ्य जांच गरिएको छैन ।
भारतबाट व्यक्ति निर्वाह ढंगले आउने गरिएकोले यहाँ संक्रमण तिब्र रुपले फैली रहेको छ । यो संक्रमण अगामि हप्ता अझ तिब्र रुपले फैलिने अनुमान रहेको छ । विगत वर्ष २०७६ चैत्र ११ गते देखि गरिएको लकडाउन वर्तमान निषेधाज्ञादेखि धेरै नै प्रभावी थियो । त्यसपहिले कोरोनाको प्रभाव बढी छ यस समय प्रशासनले सामाजिक दुरी को पालना गराउने भीडभाड नगर्न दिनु पथ्र्यो तर अहिले यसो भएको छैन । निषेधाज्ञा बीच सैयौं व्यक्ति साईकल, मोटर साईकल, ई–रिक्सा लगायतबाट निर्वाह ढंगले हिडडुल गर्न पाएका छन् । यहाँको मुख्य–मुख्य चोकमा केही प्रहरी जवान तैनाथ छन तर उनी प्रहरी जवानहरुले व्यक्तिको हिडडुल माथि रोक लगाएका छैनन । मात्र मुखमा मास्क नलगाउनेलाई रोक्ने र मास्क लगाएपछि छाड्ने कार्यले गर्दा निषेधाज्ञा एउटा मजाक जस्तो बन्न पुगेको छ । अहिले कोरोनाबाट कम तर सुगर, ब्लडप्रेसर, थाईराईड, मुटुका अधिकांश रोगीको रोजिदा मृत्यु भईरहेको छ । कोरोना भने अब घर–घरसम्म फैली सकेको छ । कोरोना टेष्ट गरियो भने ९० प्रतिशत व्यक्ति संक्रमित रहेको पाउन सकिन्छ । अहिले आफ्नो ईम्युनिटी पावरको भरमा जिउँदो छन् जसको ईम्युनिटी पावर कमजोर छ त्यसको मृत्यु भएको छ । अहिले स्थिति यो छ कि बुलबुलिया स्थिति हिन्दु शमशाम भूमिमा रोजिन्ना ८–१० जना मृत्यु भएकाहरुको अन्तिम संस्कार भई रहेको छ । त्यत्तिकै मात्रामा सिधनियाघाटको राप्ती नदीमा अन्तिम संस्कार भईरहेको छ । सल्यानी बंगाला स्थित मुस्लिम कब्रिस्तानमा पनि यस्तै नै स्थिती छ । यहाँ पनि रोजिन्ना ४–५ जना मृतक व्यक्तिलाई सिप्रुदै खाक गरिने क्रम जारी छ । बडो विषम स्थितीबाट नेपालगन्ज अहिले गुज्री रहेको छ ।
यस्तै स्थिती अझ विद्यमान रहने हो भने अर्को महिनामा अझ भारी संख्यामा व्यक्तिको मृत्यु हुने अनुमान छ । नेपालगन्जमा कोरोना संक्रमण फैलिन नदिन प्रशासन कमजोर रहेको देखिन्छ । प्रशासनले भिडभाड कम गर्न सकेको छैन । यस बीच केही सरकारी निकाय यस्ता छन् जुन कि स्वयं भिडभाड गराउन सक्रिय रहेको देखिन्छन् । बाँके जिल्ला स्थित तथ्यांक कार्यालयले. नयाँ जनगणना अभियान चलाउन आज विहिबारदेखि नेपालगन्ज नगरदेखि करीब १५ किलोमिटमा रहेको झण्डहवा गाउँ विद्या सदन स्कूलको एउटै प्राङ्गणमा २ सय ५० जनालाई सहभागी गराई जनगणना तालिमको आयोजना गरेको छ । स्कूलको एउटा कक्षामा १३ जनालाई सामुदायिकरुपमा जनगणना तथ्यांक संकलन गर्ने तालिम दिने काम शुरु गरिएको छ ।
यो तालिम कार्यक्रम हप्तौ दिन सम्म चलाउने योजना रहेको छ । तालिम लिन पुगेका २ सय ५० जना मध्ये कतिजनामा कोरोनाको प्रभाव छ । यसबारे स्वास्थ्य जाँच गरिएको छैन । यहाँ २ सय ५० जनामा १ जना पनि कोरोना संक्रमित भए यसै कोरोना फैलिन खतरा छ । सरकारले भिडभाड नगर्ने, सामाजिक दुरी पालन गर्ने कुराको प्रचार प्रसार गरिरहेको छ । तर तथ्यांक कार्यालयले यस्तो कुरा तर्फ ध्यान नदिई आफै तालिम कार्यक्रमको आयोजना गरी भिडभाड गरी रहेकोले तालिम कालमा कोरोनाको संक्रमण फैले यसको दोषीको ? यसबारेमा आवाज उठ्न शुरु भएको छ । यस कारण सम्बन्धितहरुले यस तर्फ ध्यान पु¥याई कोरोनाको महामारीमा तथ्यांक कार्यालयले आयोजना गरेको यस्तो तालिम कार्यक्रम माथि रोक लगाईन्दै तालिमको आव्हान गर्ने जिम्मेवार व्यक्ति माथि कडा कारवाही चलाउनु पर्ने अहिले आवश्यक रहेको देखिन्छ ।