नेपालगन्ज, २३ माघ – जानकी गाउँपालिका वडा नं. १ पचपोखरा र नदाई गाउँ बीच रहेको खेल मैदानमा माघ २८ गतेदेखि जानकी अन्तर वडा स्तरीय क्रिकेट प्रतियोगिता हुने भएको छ ।
जानकी गाउँपालिकाको आर्थिक सहयोग तथा एकता शिक्षा समाज कल्याण र बास क्लबको सह–आयोजनामा जानकी अन्तर वडा स्तरीय क्रिकेट प्रतियोगिता हुन लागेको आयोजक संस्थाका अध्यक्ष सकिल अहमद राईले बताउनुभयो ।
आयोजक संस्थाद्वारा गठित प्रतियोगिता सञ्चालन खेलकुद समितिका अध्यक्ष रोहितकुमार मिश्रद्वारा जारी प्रेस विज्ञप्तीमार्फत पचपोखरा र नदई गाउँको बीच रहेको खेल मैदानमा सञ्चालन हुने प्रतियोगिता अगामी माघ २८ गतेदेखि शुरु गरिने जनाइएको छ ।
जानकी अन्तर वडा स्तरीय क्रिकेट प्रतियोगिताको प्रमुख अतिथिमा जानकी गाउँपालिका प्रमुख रामनिवास यादव, विशिष्ठ अतिथिमा उपप्रमुख भूमिसरा धिताल, मुख्यमन्त्री ग्रामीण कार्यक्रमका सचिव केशव चलासे, लुम्बिनी प्रदेश सदस्य डिल्ली बि.सि., नेकपा बाँके जिल्ला अध्यक्ष पदमबहादुर धिताल, वडाअध्यक्ष मो. रजा राई, नेकपा युवा अध्यक्ष किशोर थापा, बासका हेमराज भट्ट, रमेश सिटौला, वडा नं. १ का कर्मचारी शिवकुमार शुक्ला तथा संस्थाका सल्लाहकारहरु उमेशनाथ मिश्र, जाकिर हुसेन साँई, सोहराब खाँ लगायतको सहभागिता रहने विज्ञप्तीमा जनाइएको छ ।