नेपालगन्ज, २३ माघ – पाटेश्वरी माध्यमिक विद्यालय कारकाँदोमा आज शुक्रबार विद्यालय व्यवस्थापन समितिका अध्यक्ष मधवराम बर्माको अध्यक्षतामा अभिभावक भेला सम्पन्न गरिएको छ ।
नेपालगन्ज उपमहानगरपालिकामार्फत आउनु फागुन १ गतेदेखि उपमहानगरभित्र रहेका सम्पूर्ण सामुदायिक विद्यालयहरुलाई खाजा वापत रकम उपलब्ध गराउने निर्णय भएको हुँदा सोही विषयमा आज पाटेश्वरी माध्यमिक विद्यालयमा अभिभावक भेला गरिएको व्यवस्थापन समिति अध्यक्ष बर्माले बताउनुभयो ।
अध्यक्ष बर्माका अनुसार आज सम्पन्न गरिएको अभिभावक भेलामार्फत सम्पूर्ण अभिभावकहरुलाई त्यसबारे जानकारी गराई अब उप्रान्त घरबाट बच्चाहरुलाई पठाउँदा चाउचाउ, चाउमिनलगायत ड्राई फुड टिफिनमा नदिई घरमा खानेकुरा जस्तै रोटी, पुडी, पराठा लगायतका खाने सामान टिफिनमा दिएर बच्चाहरुलाई स्कूल पठाएमा उपमहानगरपालिकाबाट आउने रकम विद्यार्थीहरुले पाउने अभिभावक भेलामा जानकारी गराईएको बताउनुभयो ।
