नेपालगन्ज, २३ अषाढ – अटोमेटिक १ थान पेस्तोलसहित बाँके प्रहरीले आज बुधबार ३१ बर्षिय अजिज अहमद शेषलाई पक्राउ गरी सार्वजनिक गरेको छ ।
उनी नेपालगन्ज उप–महानगरपालिका वडा नम्बर १२ घर भई हाल वडा नम्बर २१ पुरैनामा बसीरहेका छन् ।
अजिजले चलाई रहेको निलो रंगको जेन्स एटलस साईकल पुरैनाबाट राँझातर्फ जादै गरेको अवस्थामा रोकि चेकजाँच गर्दा उनको साथबाट अटोमेटिक पेस्तोल फेला पारिएको जिल्ला प्रहरी कार्यालय बाँके द्धारा जारी सूचनामा उल्लेख छ ।