नेपालगंज, २ श्रावण– शुक्रबार पछिल्लो २४ घण्टामा देशभर १०१ जनामा कोरोना भाइरसको संक्रमण पुष्टि भएको छ । देशभर २७ वटा प्रयोगशालामा चार हजार ६ सय ८८ जनाको पिसिआर परीक्षणमा उनीहरुमा कोरोना पोजेटिभ देखिएको हो ।
यो सँगै नेपालमा कोरोनाबाट संक्रमितको संख्या १७ हजार ४ सय ४५ पुगेको स्वास्थ्य तथा जनसंख्या मन्त्रालयले जनाक्एको छ । मन्त्रालयका प्रवक्ता डा. जागेश्वर गौतमका अनुसार शुक्रबार मात्र कोरोनाबाट निको भएर घर फर्कनेको संख्या २ सय ८५ जना छ भने हालसम्म निको हुनेको कुल संख्या ११ हजार ५३५ रहेको छ ।