बाँके फागुन ८ गते । मिस्टर एण्ड मिस स्कुल बाँकेको ट्यालेन्ट राउण्ड बिहिवार नेपालगंजमा सम्पन्न भएको छ । पिके इभेन्ट प्रा.लि को आयोजनामा अडिसन राउण्ड बाट हाल सम्म ७ प्रतिस्पर्धी फाईनल सम्म पुगेका छन् ।
सम्पन्न ट्यालेन्ट राउण्डको नतिजा भोलि हुने ग्रयाण्ड फिनालेमा सार्वजानिक गरिने आयोजकले जनाएको छ ।
बालबालिका तथा युवाहरुको ब्यक्त्तित्व तथा नेतृत्त्व बिकास गर्ने मुख्य अभिप्रायले सो कार्यक्रम संचालन गरिरहेको पिके इभेन्ट प्रा.लि का संचालक प्रकाश कुवरले बताउनु भयो ।
भोलि सम्पन्न हुने फाइनलको मुल्यांकनकर्ताको रुपमा यस क्षेत्रमा ख्याति प्राप्त अन्जन कुवर, सेन्जल पौडेल , दुर्गा थापा र नवराज देउवा आउँन लागेको प्रमुख कुवरले बताउनु भयो ।
सो प्रतियोगितामा जमुना थापा,सेजल शर्मा,आकृति ज्ञावाली,सुयोग आचार्य, आयुषा सुनुवार, बिबेक गौतम र नेहा थापा सहभागी रहेका छन् । बिजेता लाई आकर्षक उपहार सहित भोलि सम्मानित गरिने आयोजकले जनाएको छ ।
