काठमाण्डौ, ६ श्रावण – भारतले माल्दिभ्समा निर्माणाधीन अन्तर्राष्ट्रिय विमानस्थलका लागि सहयोग गर्ने प्रतिबद्धता जारी राख्ने भएको छ। पछिल्लो समय दुई मुलुकबीच सम्बन्ध सुमधुर बन्दै जाँदा भारतले यस्तो प्रतिबद्धता जनाएको हो ।
माल्दिभ्स भारतीय उच्चायुक्तले मुलुकको उत्तरी क्षेत्रमा निर्माणाधीन हनिमाधु अन्तर्राष्ट्रिय विमानस्थलका लागि सहयोगलाई जारी राख्ने जनाएको छ ।
हालैमात्र माल्दिभ्सका निर्माण तथा पूर्वाधारमन्त्री डा. अब्दुल्लाह मुत्थैलिब, यातायात तथा नागरिक उड्डयनमन्त्री मोहम्मद अमिन र मालदिभ्सका लागि भारतीय उच्चायुक्त मुनु महेश्वरले सो विमानस्थल निर्माण परिसरको भ्रमण गरेका थिए ।
भारतीय सहयोगमा निर्माणाधीन सो विमानस्थलको निर्माण प्रक्रिया ६७ प्रतिशत सम्पन्न भइसकेको भारतीय टेलिभिजन डब्लूआईओएनले उल्लेख गरेको छ । मालदिभ्स भ्रमणका क्रममा भारतीय विदेशमन्त्री एस जयशकंरले सन् २०२३ जनवरीमा शिलान्याश गरेका थिए । खबरहब