नेपालगन्ज, १० मंसिर – नेपालगन्जमा ट्यांकरको भयानक ठक्करबाट एक जना युवतीको मृत्यु भएको छ ।
धम्बोझी चोक नजिकै आज साँझ ना.३ ख. ८८५२ नम्बर ट्यांकरले ठक्कर दिँदा नेपालगन्ज–१७ की १७ बर्षीया युवती सलोनी पाठकको घटनास्थलमै मृत्यु भएको जिल्ला प्रहरी कार्यालय बाँकेका प्रवक्ता प्रहरी नायब उपरीक्षक नारायण डाँगीले जानकारी दिए ।
बुवाले चलाएको मोटरसाइकलमा पछाडि बसेकी पाठकको घटनास्थलमै मृत्यु भएको थियो । मोटरसाइकल चालक घाइते भएको प्रहरीले जनाएको छ ।