नेपालगन्ज, १५ पौष – नेपालगन्ज इलेक्ट्रोनिक्स एसोसिएसन बाँकेको आयोजनामा एक दिने निःशुल्क स्वास्थ्य परिक्षण कार्यक्रम सञ्चालन हुने भएको छ ।
नेपालगन्ज इलेक्ट्रोनिक्स एसोसिएसन बाँकेका सत्यनारायण वैश्यले दिएको जानकारी अनुसार किन्नुराम काशीराम कशौधन वैश्य पञ्चायती धर्मशाला टांगास्टैण्ड वडा नंं. ८ मा दिउँसो २ बजेदेखि ४ बजेसम्म निःशुल्क स्वास्थ्य परिक्षण हुने भएको हुँदा कार्यक्रम समयमा सहभागी भई स्वास्थ्य लाभ लिन सबैमा हार्दिक अनुरोध गरेका छन् ।
वैश्यले जनरल फिजिसियन हाड जोर्नी तथा नशारोग, नाक, कान, घाँटी तथा छाला रोग विशेषज्ञद्वारा स्वास्थ्य परिक्षण हुनुका साथै प्याथोलोजीको समेत सुविधा उपलब्ध रहेको हुँदा उपमहानगरबासी सम्पूर्णलाई स्वास्थ्य फाईदा लिन सहभागिता जनाउनु पर्ने बताउनुभयो ।