बाँके(नरेैनापुर), २७ असोज । नरैनापुर गाउँपालिकाको मटेहियामा राप्ती नदीमा डुबेर शुक्रवार दुई बालिकाको मृत्यु भएको छ ।
बाख्रा चराउन गएका बेला नदीमा नुहाउने क्रममा नरैनापुर गाउँपालिका वडा नम्बर ५ का जफर शेषकी ६ बर्षीया छोरी सरिफुन शेख र वडा नम्बर ५ कै आरिफ शेषकी ९ बर्षीया छोरी प्रमिला शेखको डुबेर मृत्यु भएको इलाका प्रहरी कार्यालय भोजभगवानपुरले जनाएको छ ।
बालिकाहरुको मृत्युको खबर सुनेर गाउँपालिका अध्यक्ष इस्तियाक अहमद शाह सहितको टोली घटनास्थल पुगेर घटना बारे जानकारी लिएको शाहले बताएका छन ।
घटनास्थल पुगेका शाहले घटना अत्यन्त दुःखद् भएको बताए । अध्यक्ष शाहले मृत आत्माको चिर शान्तिको कामना गर्दै शोकाकुल परिवारजन प्रति समबेदना प्रकट गरे ।