खजुरा, ४ फागुन – सरस्वती पूजाका अबसरमा खजुरा क्षेत्रका संस्थागत र निजी विद्यालयले विशेष कार्यक्रम गरि मनाएका छन् । अधिकांश विद्यालयले आफ्नै हाताभित्र रहेका सरस्वती मन्दिरमा पूजापाठ र प्रसाद वितरण गरी मनाएका छन् ।
सोही अवसरमा नेपाल राष्ट्रिय आधारभूत विद्यालय धौलागिरीले विद्यार्थीलाई पुरस्कार वितरण गरेको छ । कक्षा १ देखि ८ सम्मका प्रथम, दोस्रो र तेस्रो हुने बिद्यार्थीलाई पुरस्कार वितरण गरिएको थियो ।
खजुरा गाउँपालिका शिक्षा शाखा प्रमुख खगेन्द्र मल्लले संस्थागत विद्यालयमा विद्यार्थी आकर्षणका लागि पालिकाले विविध कार्यक्रम ल्याएको बताए ।
खजुरा गाउँपालिका वडा नं. ३ की सदस्य देउमाया थापा, विद्यालय व्यवस्थापन समितिका पूर्व अध्यक्ष कृष्ण गौतम, निमबहादुर पंगाली, रेडक्रम वागेश्वरी सभापति जीवनाथ सापकोटा, समाजसेवी श्यामकृष्ण श्रेष्ठ लगायतले पुरस्कार वितरण गरे ।
कार्यक्रममा विद्यालयका प्रधानध्यापक रुद्र रानाभाटले विद्यालयको गतिविधि प्रस्तुत गर्दै विद्यार्थी आकर्षणका लागि आफुहरु लागि परेको बताए ।