काठमाण्डौ, १६ मंसिर –विश्व व्यापी रुपमा कार्बन उत्सर्जन घटाउने प्रतिबद्धता चलिरहदा सोको विपरित चीनमा कोइला उत्पादनलाई बढावा दिइरहेको पाइएका छन् । चिनियाँ सरकार थप थर्मल पावर स्टेशनहरुको निर्माणमा तिव्रता ल्याइएपछि विश्वमा ग्लोबल वार्मिगको खतरा बढेको छ ।
यस्ता कदमहरुले प्रदूषण कम गर्न र ग्लोबल वार्मिंगलाई रोक्न विश्वव्र्यापी प्रयासहरूमा ठूलो धक्का दिने वातावरणीय विज्ञहरूले बताउँछन् ।
उता चिनियाँ राष्ट्रपति सी जिनपिङले पनि स्वच्छ ऊर्जाको विकल्प नभेटेसम्म चीनले कोइलाको प्रयोग जारी राख्ने संकेत दिएका छन् । त्यसैले हालको कोइला उत्पादन ४।१ बिलियन टनबाट घट्नुको सट्टा, २०२५ मा चीनको कोइला उत्पादन बढेर ४।६ बिलियन टन हुने निश्चित छ। यसबाहेक, चीनले २०२१ मा निर्माणाधीन कुल १७६ गीगावाट कोइला क्षमताको ५० प्रतिशत भन्दा बढी भएकोले विदेशमा कोइला प्लान्टहरू निर्माण गरिरहेको छ।
चीनले २०२१ मा अभूतपूर्व ऊर्जा संकटको सामना गर्यो, जसले व्यवसाय, उद्योग र मानिसहरूको समग्र जीवनलाई असर गरेको थियो र अझै पनि गरिरहेको छ । त्यसैले बेइजिङले ऊर्जा सुरक्षा हासिल गर्न नयाँ कोइला प्लान्टहरू स्वीकृत गर्ने निर्णय गरेको छ।
चीन विश्वमा सबैभन्दा बढी कार्बन उत्सर्जन गर्ने देश हो। यो २०२० मा १०६६८ मिलियन मेट्रिक टन उत्सर्जनको साथ सबैभन्दा ठूलो उत्सर्जनकर्ताहरूको सूचीमा शीर्ष स्थानमा थियो। र अब सन् २०२१ मा चीनको कार्वन उत्सर्जन ६ प्रतिशतले बढेको हो ।
विश्वमा मानव निर्मित हरितगृह उत्सर्जनको एक तिहाइ हिस्सा ओगटेकोले चिनियाँ उत्सर्जन गम्भीर समस्या बनेको छ। एएफपी