नरैनापुरको कट्कुइँयामा क्रिकेट टुर्नामेन्ट
बाँके,२६ फागुन । बाँकेको नरैनापुर गाउँपालिकाको मँझरेटीमा आइतबारदेखि क्रिकेट टुर्नामेन्ट शुरु भएको छ । युवा तथा खेलकुद व्यवस्थापन समिति कट्कुइँयाको आयोजना एवम् नरैनापुर गाउँपालिकाको आर्थिक सहयोगमा कट्कुइँया मँझरेटीस्थित खलिफा रंगशालामा शुरु भएको प्रतियोगिताको गाउँपालिकाका अध्यक्ष इस्तियाक अहमद शाहले उद््घाटन गरे ।
उद्घाटन कार्यक्रममा बोल्दै अध्यक्ष शाहले खेलले नै विभिन्न जातजाति, धर्म, सम्प्रदायलाई जोड्ने भएकाले यस्ता खाले प्रतियोगिताले सामाजिक सद्भाव र मेलमिलाप बढाउन भूमिका खेल्ने बताए । खेलकुदको विकासका लागि आफूले हरसम्भव पर्यत्न गर्ने अध्यक्ष शाहले बताए ।
अध्यक्ष शाहले खेल मैदानको विकास र स्तरोन्नति गर्ने प्रतिबद्धता समेत जनाएका छन । उनले अब निर्माण हुने रंगशालाले नरैनापुरको खेल क्षेत्रको विकासमा टेवा पुग्ने जिकिर गरे । प्रमुख प्रशासकीय अधिकृत दलबहादुर बस्नेतले खेलकुदको विक...