खजुरा, ९ कार्तिक – नेकपा एमाले खजुरा गाउँपालिकाको अध्यक्षमा गेहेन्द्र धिताल सर्वसम्मत निर्वाचित भएका छन् । खजुरामा सम्पन्न अधिवेशनले धिताललाई अध्यक्षमा सर्वसम्मत निर्वाचित गरेको हो ।
अधिवेशनले उपाध्यक्षमा झगबहादुर पौडेल, सचिवमा देउमाया थापा, उपसचिवमा लल्लन यादव र साविर जोलाहालाई चयन गरेको छ ।
नेकपा एमाले खजुरा गाउँपालिका कमिटी ७५ सदस्यीय भएका एमाले बाँके उपाध्यक्ष किस्मतकुमार कक्षपतिले जानकारी दिए ।
उदघाटन समारोहमा केन्द्रीय सदस्य तथा सांसद नन्दलाल रोकाय, बाँके उपाध्यक्ष किस्मतकुमार कक्षपति लगायतले गुटविहीन एमाले बनाइने बताएका थिए ।