प्रस्तावक विष्णु पौडेल, समर्थक शंकर पोखरेल
सौराहा, १३ मंसिर – नेकपा एमालेका अध्यक्ष केपी शर्मा ओलीले दसौं महाधिवेशनबाट फेरि अध्यक्ष हुन उम्मेदवारी दर्ता गरेका छन्।
आइतबार राति आफूलाई अध्यक्ष राखेर ओलीले प्रस्ताव गरेको पदाधिकारी र केन्द्रीय सदस्यमा उपाध्यक्ष भीम रावलले असहमति राखेपछि ओलीले फेरि अध्यक्ष बन्न चुनाव लड्नु पर्ने भएको हो।
ओलीको उम्मेदवारी विष्णु पौडेल प्रस्तावक र शंकर पोखरेल समर्थक रहेका छन्।
ओलीले पौडेललाई उपाध्यक्ष र पोखरेललाई महासचिव बनाउन प्रस्ताव गरेका छन्।
एमाले उपाध्यक्ष रावलले यसअघि नै अध्यक्षमा उम्मेदवारी दर्ता गरिसकेका छन्।
