काठमाण्डौं, १४ साउन – चीनको वुहान सहरमा चारजनामा कोरोना संक्रमण भेटिएपछि फेरि लकडाउन गरिएको छ । सन् २०२० मा कोरोना भाइरसको पहिलो संक्रमित वुहानमा नै भेटिएको थियो । त्यसपछि वुहानको विश्वभर नै चर्चा चलेको थियो।
हाल वुहानको जिआङ्जिया क्षेत्रमा चार जनामा कोरोनाको संक्रमण पुष्टि भएको छ। तर ती चारै जनामा कुनै पनि लक्षण भने देखिएको छैन। लकडाउनपछि उक्त क्षेत्रका मानिसहरूलाई तीन दिनसम्म घरभित्रै बस्न निर्देशन दिइएको छ । जियाङ्शियामा करिब १० लाख मानिस बस्छन्।
चीनले कोभिड भाइरससँग लड्न ‘जिरो कोभिड’ रणनीति अपनाइरहेको छ। यसअन्तर्गत ठूलो मात्रामा कोभिड परीक्षण, कडा आइसोलेसन र स्थानीय लकडाउन जस्ता कदमहरू चालिएका छन्। यसो गर्दा चीनमा कोभिडबाट मृत्यु हुनेको संख्या अन्य देशको तुलनामा धेरै कम छ।
चीनले लिएको ‘जिरो कोभिड’ रणनीतिको विरोध बढ्दै गएको छ। १२ लाख जनसंख्या भएको वुहान सहरमा नियमित रुपमा कोरोना परीक्षण गरिन्छ । दुई दिनअघि दुईवटा घटना बाहिर आएका थिए । यसपछि सम्पर्कमा आएका व्यक्तिहरुको पनि परीक्षण गर्दा थप दुईजनामा संक्रमण पत्ता लागेको थियो । चार जनामा संक्रमण देखिएलगत्तै केही समयपछि लकडाउनको आदेश जारी भयो । (एजेन्सी)